راديو ا صلاح جاهين

بيقولك الحرية والشفافيه والديمقراطية والوحده الوطنيه والقوميه العربيه
والاصلاح والتعديل والتغير ورافعة راسنا في السرير والعلاوه السنويه
انابيب البوتاجاز وقرار بوقف تصدير الغاز حرمان امريكا من المعونه المصريه
اللحمه سواء بتلو او كندوز والمدام أخر الشهر مش لاويه البوز بسبب الفلوس الكتير اللي فايضه من المهيه
هوه نضيف والوقوف جنب الضعيف والبنزين عشان نمشي بيه العربيه
فلوس المعاش وواحد سافر كذا مره بالعباره وعاش وإلغاء كلمة معناش وإلغاء الضريبه العقاريه
دوه أمن وشقه في أي حي إنشاله التامن وهيفا ومروه وقمر ميطلعوش المارد اللي جوانا كامن والرقابه بجد عالمصنفات الفنيه
عباره مش بتغرق بس لاء بتعوم ورغيف عيش مدعوم ومضاد حيوي للهموم وكسوي إنشاله تكون سنويه
الاهتمام بالقري والنجوع ومنموتش من الفقر والجوع والبصل بس هو السبب في الدموع مش المهانه اليويمه
الناس راضين واعدام اللي يسب الدين والامن مستتب في فرشوط ونجع حماديوالبساتين وتحرير فلسطين وكل الماسعي الحميده لحل القضيه
الجنيه بخمسه دولار ومافيش ازمه في السولار واتوبيس فاضي ونزاهة قاضي ووزاره للحنيه
قطرين مبيتقلبوش علي سهوه وشابا شغال مش ع اقهوه ووصولنا في حاجه للتصفيات النهائية
كل دي احلام بس احلام عربي ام الاجنبي

ههههههههههههههه تحفة عجباني جدددا صلاح جاهين دة استاذ