صفات البنت المصرية --ممنوع دخول البنات ههههههههه

لازم برضه نعمل وقفه .... وقفه م اللى هى دى

وموضوعى انهارده عن صفات البنات المصريات

وربنا يسترها يا رب

الصفه الاولى

اللسان

البنت المصريه ربنا واخد منها كل حاجه ومديها لسان زى الحربايه_ والعياز بالله_

لو فكرت انك تتريق على واحده اكيد مش هتسلم من لدغته _ يلا تستاهل_
وخاصه لو كانت عامله التحجيبه سبانش _ احذر من دول _

الصفه التانيه

التناكه

البت من دول تلاقيها مناخيرها فى السما _ على ايه يعنى _
ولو اضطرتك الظروف لانك تقرب جنبها لاى سبب من الاسباب حتى لو هى مش فى دماغك اصلا ولا انت واخد بالك منها

تلاقى عرق التناكه نقح عليها وفاكراك عاوز تكلمها على اساس ان خلاص يعنى مفيش غيرها فى الدنيا
وتلاقيها بصتلك بطرف عنيها كدا علشان متبينش اهتمام وتبعد خطوه صغيره اوى مبتغيرش مكانها اصلا

يا دوب بس تحسسك ان فى كائن جنبك
تعالى بئى فى كليات العملى زى الطب والهندسه والصيدله
لو اضطريت انك تكلم واحده زميلتك فلازم تجهز مليون سبب مقنع لسايدتها علشان متتنكش عليك طبعا
هتبدأ بئى تسألها عن محاضرا وكلام فارغ وهى هتستهبل وتعمل انها مصدقه _ ال يعنى مفيش طلبه غيرها فى الدفعه _

ناس تنرفز والله يا اخى
الصفه التالته

الشياكه
الشهاده لله يعنى البنات دلوئتى بيهتمو بنفسهم اوى
يعنى لو تفتكر فى اول يوم فى 3 الاعدادى البنت بتدخل وكأنها هتشوف عريسها

السنه الى فاتت وفى اول رمضان مع بدايه الدراسه قابلت واحده فى عندنا اعرفها اسألها ياخويا رايحه فين قالتلى رايحه اشترى ميكب يا حاجه داحنا فى رمضان بس بكره المدرسه اه اذا كان كدا معلش طبعا كلكو فاكرين القصه بتاعه الست اللى كانت كل يوم تصحى تلاقى وشها غرقان ميه :
بس بالرغم من كدا علماء الاجتماع بيقولو ان الجيل الجديد هيغير الصوره دى للست المصريه

يعنى
ممكن لو لاقدر الله اتجوزت تدخل تلاقى مراتك شبه البنى آدمين عادى يعنى مش
هتلاقى اريال طالع من دماغها ولا ريحه البصل مبهدله الدنيا

يمكن يا عم متتشائمش :

الصفه الرابعه

احتقار الرجل

متفهمش يا اخى الستات والبنات بيحتقرو الرجاله كدا متفهمش ليه

على اساس يعنى انهم ولاد ناس وحنا ولاد .......................

ناس تانين ؟

بس العرق الفرعونى نقح عليا فى الايام اللى فاتت وافتكرت السبب

فى راجل رحاله من زمان اوى لاحظ سلوك الستات ده وارجعه لوقعه تاريخيه معروفه اوى
وهى حادثه خروج فرعون لمقابله سيدنا موسى
خرج فرعون مع ساده مصر فى وقتها
ومفضلش فى البيوت غير الستات والعبيد
وبعد هلاك فرعون واللى معاه بطبيعه الحال الستات اتجوزو من عبيدهم

وهوده السر فاكرينا عبيد عندهم حضاراتهم :

الصفه الخامسه

الاجتماعيه

البنت المصريه اجتماعيه بدرجه جيد جدا

فى ثانيه كدا تلاقيها رمت ودنها فى اى حوار ومتسيبوش الا ما تجيب اخره
وده طبعا بيحصل كتيييييير بذااااااات في المترو بتاع السيدات
وطبعا بأجتماعيتها دى بتعرف تجيب اطراف الموضوع من كل الناس

طبعا لازم اقول منقول عشان محدش يمد ايدو هههههههههههههه

ههههههههههههههههههههههههههههههههههه اه والله عندك حق الشياكة بقت علىالموضة كمان اكتر حاجة تضايق فى لبسهم البنطلون الضيق ده عارف لو حلو هقولك ماشى لكن شكله وحش لما تبص للبنت اللى لبساه تحس انها عفريت مصباح علاء الدين مليانة من فوق ورفيعة من تحت بنطلون مسخرة بصراحة . اما عن احتقار الرجل فالبصراحة دول مش كتير يعنى اللى بتحتقر الرجل دول اساسا عالم تافه.

هههههههههههههه حلو والله بس اكيد مش كل البنات كدة بس الاغلبية كدة اه فعلا يا جماعة انا بمشي في الشارع مش بلقي بنت وحشة في الشكل اوي في الميكياج وما ادراك الله بجد في مترو السيدات هيا واحدة تبقا صحية الصبح ملفتش الطرحة كويس واي بتنجان تلقيهم كلهم بصلها الله اية الافة دة دة جنان عملتيها ازي ومن هنا تطلع موضة ومن نحيت ان احنا اجتمعين اه احنا كدة مهو بيبقو بيتكلمو في موضوع شيق وببقا عاوزة اعرف مين الي عمل كدة واية الي حصل واحنا بنبقا اعدين فضين في المترو اهو تسلية ومن نحية احتقار الراجل مظنش الا الراجل الي رحتو وحشة ومن نحية التناكة دة حاجة عدية في مجتمعنا والي متتنكش تبقا جية من تحت البقرة سري يعني ومن نحيت اللسان الطويل الرجالة هما الي بيجبوة لنفسيهم انا شفت ولد البنطلون لبسة ويعتبر مش لبسة نص ظهرة باين والي واحد لبس بنطلون مقطع ويقول موضة اكنو كان مع خناقة مع كلب والتاني مربي شعرو وعملو بتوكة ومنزل قصقصتين من شعرة علي وشة والي حاطت لنسس في عينو دة ممكن تكون رجالة تشيل مسئوليت بيت وعيال

بالنسبه بقا للي بيركبو لانسس ايه المشكله مش فاهم

يعني انا عشان مثلا يعني يعني يعني لو يعني لابس لانسس خضرا يبقا انا كده مش هشيل مسؤليه

وليه تركب لينسس وما تسلبس نضارة احسن

هههههههههههههههههه
انا بدون تعليق
بس انا منتظر رد جي جي

مع ان مودى مش متظبط التهارده بس هرد عليك يا ادم فى الموضوع

ولا اقولك بكرة حرد ان شاء الله حكون فكيت شويه

لان حاسه ان دمى تقيل النهارده

انا جيت
وفكيت هههههه
المهم
الموضوع جامد جدا يا ادم
وطبعا طول منا موجوده لازم اعترض هههههههه

انا رايى ان البنات لازم يكونوا اجتماعيين طبعا علشان الاجتماعيات دى بتعلم حاجات كتير
بس اكيد بحدود
وفى برضه بنات انطوائيين موووت


بالنسيه لاحتقار الرجاله
على فكرة السبب فى الرجاله
فى راجل يجبرك انك تحترمه وتقدره اوى وتهتم بيه وتخاف على زعله
وفى راجل تانى تحس انه مش له شخصيه وتافه كده سورى يعنى ومهما عملت فيه يرجعلى تانى ههههههههههه ده بقى احتقره فعلا مش يكون عنده كرامه

بالنسبه للشياكه بتاعت البنات
ده امر طبيعى
يعنى مثلا للبنت بتاعت اعدادى دى اكيد بدات تحس انها كبرت زى ما قولنا قبل كده فى موضوع من مواضيع هنا اللى هو بتاع المراهقه اعتقد
البنت او الولد بيحسوا انهم خلاص كبروا بس عاوزيين يتوجهوا صح مش اكتر
بعدين احنا نكون معفنيين ورحيتنا بصل وطماطم مش عاجب
ولما نتشيك ونحط برفان ونظبط الاداء برضه مش عاجب
انتوا عايزيين مننا ايه بس
تعبتونا
علطول مظلومين معاكو ههههههههههههه


التناكه بقى
دى بتدل على احترام البنت لنفسها ههههههههه
وانها واثقه فى نفسها وطبعا لازم لما تيجى تكلم البنات لازم تحضر كام سبب مقنع
امال البنت تقف كده مع اى حد وترجعوا تقولوا البنات مش محترمه بقى وكلام كتير كده ولو حتى لو هى بتستهبل برضه ده احترام منها


اها جينا بقى للسان
انا معترفه اننا لسانا مش فى حد بيخلص منه
وتقولنا كلمه نرد عليك بخمسين كلمه

بس مش كل النبات يعنى
فى بنات هاديه جدا ومسالمه ورقيقه
مش بتعرف تكون لمضه
زيى كده هههههههههههههه

ههههههههههههههههههههههههههههههههه عاجبتني اوي بتاعت ونظبط الاداء ههههههههههههه
ماشي يا جي جي بس علي فكرة اي شاب او رجل هو محتاج بنت متدينه رقيقه وهاديه وبس كده
شوفتي بقا طلبتنا سهله ازاي

وده نادر شويتين بس موجوديين والله
ومعنسين كمان هههههههههه
ربنا يقدم اللى فيه الخير