عيوب الرجالة رجالة اخر زمن

معلش يا جماعة الموضوع طويل شوية بس نعمل اية ملينين عيوب ومهما اتكلمنا مش هنخلص.
نبدأ في عيوب الشباب في بيتهم يصحي من النوم يغسل وشه ويفطر وعالطول يلبس عشان ينزل ويسيب الدنيا تضرب تقلب كوبايه الشاي ما يفكرش يغسلها والأطباق اللي فيها الفطار زي ماهي في مكانها ولا السرير بتاعه وأوضته مايفكرش الشاب انه حتي يطبق البطانيه بتاعته
لما لبسه يتبدهل وعاوز يتغسل تلاقيه راميه في اوضته وحتي مايقولش ابقي يا ماما اغسلي لبسي غير إذا كان معزور في طقم كده هيخرج بيه يوم الخميس طقم شيك ولا جديد يعني
لما يرجع من بره بيرمي الشوز بتاعي في اي مكان ويعني الام تبتدئ تدور علي ريحه غريبه في الشقه يمين وشمال وفي الاخر تلاقي قتيل مرمي في أوضته أو في الصاله مثلا
لو دخل الحمام بأه عشان يأخد شاور أو يحلق دقنه اللي طولت مايغسلش البانيو بعد الشاور ولا حتي يغسل الحوض مكان شعر دقنه ولو عمل كده بيبقي طلاسي مش اكتر
لو الغداء مش جهاز بيكون يوم وخناقه ولو الاكل اي كلام يبقي زعلان ان مافيش فراخ ولا لحمه وتلاقيه ينزل يشتري سانودتش تيك اواي او وجبه ده لو العمليه سامحه معاه يعني
لما يشرب السجاير مايفكرش انه بعد مايخلص ينظف الطفايه اللي شرب فيها السجاير ولا حتي يفتح شباك يهوي الاوضه اللي كان بيشرب السجاير فيها
ويااا لو بيشرب سجاير مع كبايه شاي مزاج عندك اوي تتطفئ السجاره في الكوبايه
لو حد من اصحابه عدئ عليه وصفر له من تحت البيت تلاقيه في ثانيه لابس ونازل لصاحبه ولو الست الوالده ياعيني بتوقله نسيت اجيب حاجه في البيت روح هاته يااااا بيتعب اوي واصل ماينفعش امشي في الشارع واشيل حاجه البيت يا ماما يا ماما هو انا لسه هالبس ماتبقي تجيبي رقم السوبر ماركت ونكلمه الكسل بيظهر اوي هنا
ولو نزل جاب زي مايكون قاصد يعملها لا يجيب حاجه بايظه يااااااا يجيب حاجه غير المطلوبه اصلا عشان يعني ماحدش يبعته يجيب حاجه تاني
لو الشقه ببتتنظف باه تلاقي القعاد في الشقه بيحلي اوي ويفضل من الاوضه دي للاوضه دي ومسكينه اللي بتنظف
الشاب بره البيت عامل ايه بأه لو عنده عربيه بتلاقي العربيه
لونها اسود (فاميه العربيه يعني) وده ليه طيب مش عارفين وله في ذلك حكم يعلم رببنا تلاقي الشاب من دول نازل معاكسات في بنات الناس ورقم الموبايل مكتوب في ورقه يترمي مره يتقال مره يتحط علي شنطه العربيه مره ولو اخته اللي حصل معاها كده بيكون يوم الشخص اللي عاكس ده مش فايت
يفضل يعاكس في دي ويقول لدي كلمه مش حلوه ودي كلمه حلوه
مش همه حد ماهو رااااجل باه
الشاب الروش بأه الشعر اللي معمول بالجل ده اخر صيحه عنده تلاقيه ياعبني مكهرب شعره قصدي موقف شعره قال ايه موضه ولا اللبس البنطلون الجينيز لو ماكنش تيبست ووسطه واقع عالاخر ما ينفعش يبقي موضه
وعليه من فوق البادي طيب ده الشاب بأه منظره ملفت عن البنت
كفايه كده نيجئ لما الشاب ربنا يكرمه ويخطب
علاقه الشاب مع البنت قبل الجواز في الخطوبه يعني تلاقي مكالمه التليفون يادوب علي الاد لما هو اللي يتصل ويقولها ايه معلش يا حبيبي انا مضطر اقفل عشان مع اصحابي او يقول طيب اقفلي وهاكلمك تاني بالليل ويأخر المكالمه اوي عشان هي اللي تتصل ولما البنت تتصل ياااااا بيكون فاضي والوقت معاه يفضل يرغي ويرغي بالساعات وابو البت هو اللي يدفع تمن الكروت يا عيني
وتلاقي قصايد الغرام والحب والعشق شغاله معاه وكان أتولد شاعر أو فنان
بمجرد لما العلاقه توصل ان البنت تشيل لقب البيه تلاقيه الموضوع اختلف خالص لو هي قالتله بحبك بيبقي يوم هو انتي ليه قلتي كده؟
شكلك عاوزه حاجه وبتجري ناعم يقول في سره شكله حماتي جئت وأديتها الحقنه اللي هي ده يوم مش فايت
يعني كلمه بحبك اللي كان هو بيقولها دي بتختفي تدريجي لو خرج بأه معاها خروجه كده لازم اخر الخروجه ينكد عليها معرفش ليه بيكون صعبان عليه اللي دفعه في الخروجه ولا عشان ماتفكرش تخرج معاه تاني
طيب لو خرج لو عزمها يادوب بيجيب لها عينات من الأكل ماهو ياعيني دخل مكان ماهوش أده بس عاوز يترسم علي البنت ويورها أنه عالطول سهران يااااا في الشيراتون يا في شبرد ماتقعد يا أبن الناس في مكان علي الاد طبعا يا عيني البنت وهي معاه بتعمل حساب كده يسألها هتشربي تدور له في المانيو علي ارخص الاسعار عشان ماتحرجش نفسها لو العزومه اتكلفت وهو مش معاه فلوس
نيجئ في المناسبات والأعياد تلاقيه اي مناسبه تيجئ لازم البنت هي اللي تفكره وبرده يعمل فيها عبيط ومش فاهم هي بتتكلم علي ايه
ولو جاب هديه يعني يدوب عشان يداري علي موقفه
لما الشاب بيعرف ان البنت كان في حد في حياتها قبليه بيكون الموقف صعب وتقيل اوي عليه وهو لو عرف مليون بنت ايه المشكله انا رااااااااااااااااااااجل محدش له حاجه عندي والراجل غير البنت دايما بيقولوا كده لما بيفكر أنه يتجوز اربعه بيكون برده المووضوع بالنسبه له عادي وده حقه الشرعي طيب ما ربنا قال أعدلوا ولا هو بيجيب الكلام اللي علي مزاجه الشرع قال اربعه وحقي اتجوز اربعه
لو مراته وزنها شويه بيبقي يوم مش فايت ويفضل في الرايحه والجايه خفي شويه خسي شويه انتي تقلتي انتي ماكنتيش كده عادي يعني ماهو لازم يقول كده عاوز المدام رشيقه يا ولاد لكن لو زاد وزنه هو شويتن تلاته كده يقولك ايه عز اصل الكرش ده متربي علي الغالي متربي علي العز وأكل الوز
لو خارج بالليل عادي جدا لا حد بيقوله انت رايح فين ولا جئ منين لكن المصيبه باه لو قالت انا خارجه حتي لو مشوار هي قايله عليه يرجع يسألها تاني هو انتي رايحه فين انتي ماقولتيش يعني انك خارجه يا عم قلت لما كنا بنفطر الصبح قلتلك انا هاروح للدكتور لا ماقولتيش طيب خلاص اديني بقولك اهو هتتأخر ي لا مش هتأخر يعني هترجعي أمتي ولو أتاخرت دقيقه علي ميعاد رجوعها بيكون يوم يوم
لكن لماهو بيرجع بالليلل بعد الساعه 1 بيكون عادي اصلي كنت سهران مع اصحابي علي الكافيه والوقت جري وعدي وهي ياعيني تستحمل ولما بيجئ المولود الأول كأن هي اللي جابته لوحده طيب ماهو ابنك لا صوت بيزعجني مش عارف أنام سكتي الواد الواد عيان شيل الواد من الأرض ياعيني الواد بيعيط كله فوق دماغها والله مسكينه يا كل بنت دايما ظلميناك

ههههههههههههههههههههههههههههههه على فكرة مش كل الشباب كده