نفسي اتغير

السلام عليكم ورحمه الله وبركاته

انا مستغربه من التربيه اللى احنا بقينا فيها جدا
اهم حاجه عند الاهل والناس المؤهل الجامعى وياااااااااااااااسلام لو بقى دكتور\ة
مهندس\ة او اى مؤهل عالى يبقى دول المكرمين من عيون النااااااااااااااااس
طب احنا فين يااااااااااااااجماعه من علومنا الفقهيه
لازم فى الجامعه تحفظ الكتب علشان ترصهم فى الامتحانات
طب انا وانتو فين من حفظ القران الكريم والاحاديث الشريفه وفهم معانيها
هو المؤهل العلمى والدراسه مطلوبين جدا بالطبع بس هو ده اللى احنا هانتحاسب عليه

انابصيت لنفسى لقتني مش ملتزمة اوي لبسي مش متتدين اوي حبة احفظ قران وسيبة بس الصلاه لازم

بس بصرااااااااحه لقيت نفسى مش عارفه حاجه عن العلوم الدينيه كل اللى انا بعمله اصلى واصوم واقرا قران وخلاص على كده

واللى خلانى افكر فى كده بنت خالتى ماشاء الله عليها 18 سنه بس لبست النقاب وابتدت تدرس الدين الاسلامى من كل جوانبه قران وحديث وفقه وشريعه كل حاجه
بأذن الله هابتدى ادرس كل الحاجات دى بس انا عاوزة مكان كويس انا كل مروح مكان المفروض تحفيظ وكدة بس بلقيهم بيتكلموا في حاجات خارجة عن التحفيظ جوز عمل وجوزي ضربني وعملت اكل ورحت لدكتور لو حد عارف مكان كويس قريب من عين شمش ياريت يقلي ولو في بنت قريبة مني نروح مع بعض
وانتوا كمان يااااااااااااجماعه فكروا كده شويه فى الموضوع هتلاقوا ان احنا لازم ندرس دينا وتاريخه
احنا زى مابيقولوا علينا جيل المستقبل واباء وامهات اطفال المستقبل يبقى لازم نبتدى نستعد ان احنا نربى على اطفالنا على ان الهدف الاساسى هو معرفه الدين الاسلامى والهدف الفرعى هو الدراسه بالمدرسه والجامعه
بالطريقه دى هانتخلص من السلبيات اللى احنا بنعانيها دلوقتى وربنا هايبارلك لينا فى حياتنا وياريت تشجعوني وتشجعو نفسكم يارب