مجلس الشعب والشعب

ماذا يحدث فى مجلس الشعب؟ماذا حدث ف الايام الماضية؟كانت هناك خلافات واختلافات بين الاعضاء والاسباب لا علاقة لها بالشعب..يعنى مثلا احد الاعضاء تطاول على الاخر وكان لازم طبعا التانى يرد علشان عندنا ف مصر (تداول الفاظ) وفى ناس عندها (تداول سلطة) اللى بنسمع عنه ده وطلع رئيس المجلس قال احنا احسن من غيرنا فى ناس بيحصل عندها اكتر من كده وفعلا الاعضاء ما كدبوش خبر وبعدها بيومين ضربوا بعض علشان احد الاعضاء اتجرأ وجاب سيرة عضو مجلس الشعب الاول وأحد أهم اعضاء الحزب الوطنى واكبر رجال الاعمال طبعاوقام انصاره علشان يدافعوا عنه ووصلت للضرب وياريت الحاجات اللى بيختلفو فيها علشان مصالح الناس طيب الناس اللى بيحصل عندها اكتر من كده بيكون علشان يقدمو حاجه احسن للشعب اما احنا علشان ايه علشان مصالح شخصية وكل يوم يتعمل قانون جديد مالهوش علاقه بالناس الغلابه اللى بعضهم وصل لمرحلة انه مش لاقى ياكل وهما ولا هنا ولايعرفوا حاجه عن الناس اللى بيقولوا انهم بيمثلوهم! طيب طالما الموضوع وصل لغاية كده ليه مايحصلش (حل للمجلس) ولا دى كمان بقت من ضمن المستحيل.المره الجايه المستقلين هيقوموا كلهم ع الاغلبيه والموضوع يكبر وفى ناس هيقعدوا يتفرجوا من بعيد وتجيلهم ع الجاهز ويحصل اللى نفسهم فيه!!!