شباب جامعة القاهرة

احنا عاوزين نتكلم مع بعض ف موضوع مش جديد ومش غريب بس بيزيد وممكن يكون هايف بالنسبه لناس كتير بس انا مضايقنى جدا اللى بشوفه ف الجامعة كل يوم من الشباب والبنات واللى زاد السنه دى ع الاخر كل ولد وبنت قاعدين فى اى ركن بيتصرفوا تصرفات ما كنتش اتخيل انى اشوفها ف الجامعةوحتى مابقاش لازم ركن بقى فى اى مكان قاعدين فيه عينى عينك وعارفين انه الناس شايفاهم بس نفسى اعرف ليه بقينا كده او بقوا كده ليه مش خايفين من ربنا ليه مش عاملين حساب للناس اللى شايفاهم ومش محترمين المكان اللى هما فيه وكل بنت بتعمل حاجه غلط زى دى ازاى بتنسى اهلها ف البيت اللى مطمنين عليها وهى ف الجامعة على اساس انها مش هتعمل حاجه غلط وانها بتشوف محاضراتها ليه بتتنازل عن كرامتها واخلاقها ودينها ومتحافظش على نفسها علشان خاطر شاب قالها كلمتين محفوظين وبيقولهم لكذا واحدة غيرها وحتى لو ليها هى بس مفيش حاجه تستاهل كل ده وازاى بيبصوا للبداية فقط دايما ومش شايفين نهاية الموضوع ايه ليه مش بيعتبروا الارتباط ده مشروع هينجح بنسبة كام ويفشل بنسبة كام وبناءا عليه الاختيار وبكده نقلل اللى بيحصل ده تحت اسم اننا بنحب بعض ومرتبطين ف عادى ممكن نعمل اى حاجه وايه المانع لو كان فى حب وارتباط واحترام ف نفس الوقت والله ممكن يجتمعوا واجمل ما فى اى علاقة انه يكون لها حدود سواء كانت علاقة عاطفية او صداقة والبنت طبعا هى اللى بتحط الحدود دى لانه فى ولاد كتير بيتعاملوا مع البنات على اساس شخصيتها هى وحدودها ايه مش هما المفروض يتعاملوا ازاى..عارفين نفسى ف ايه اروح لكل بنت وولد بيعملوا كده اقولها لو بيحبك بجد مش هيخلى شكلك وحش كده وشكله طبعا بس العيب عليها واقوله ترضى حد يعمل مع اختك كده بس اكيييد هتشتم فعمرى ما هعمل كده وبما انكم شباب عاوزه اعرف ايه رايكم ف اللى بيحصل ده وايه الحل

والله حرس الجامعة مش بيعملوا حاجه غير انهم اخر اليوم بيصفروا علشان الناس تمشى واللى داخل من غير كارنيه واتعرف يضايقوه شويه ولو شباب اتخانقوا وشافوهم بالصدفه يسلكوا وطبعا بيكملوا بره غير كده ما شفناش حاجه منهم وده مش ظلم لان اللى احنا بنتكلم عنه بيحصل قدام عينهم وده شوفته بنفسى وبيبصوا زيينا وبعدين يمشوا ولابيعملوا اى حاجه يمكن هى دى الديمقراطية احتمال. .واكيد البعد عن الدين سبب اساسى ورفض الاهل الخطوبة ده طبيعى ومافيش واحد عاقل لسه بيدرس وخاصة لو مع البنت ف نفس الفرقة هيتقدم الا بقى لو فى فرق ف السنين ممكن .وما فيش تعسف ولا حاجه بالعكس دلوقتى الاهل بيساعدوا وبيتنازلوا عن حاجات كتير وبيعتبروها مش مهمه.وممكن يكون لسه ف ناس متشدده برده

لازم نعمل وقفة



ولا نخلينا في مذاكرتنا احسن

ازيك يا علوم انا معترضة معاك في الري الاول مش معنا ان البنت او الولد ارتبط يبقي بعد عن الدين طب ممكن تكون البنت بتكلم اولاد كتير ومش مرتبطة والهزار بالايد وضرب وانتا اكيد بتشوف في الجامعة وتلقيها بتصلي وعادي بس انا معاك في الري التاني
اما بنسبة للحرس الجامعي انا من وجهت نظري ان لزم يكون في حرس في الجامعة ممكن تقلي مين يخدلنا حقنا من شباب بتستظرف او بتقل ادبها او لما تقوم خناقة مبين شباب والا لما نشوف شباب معاهم حاجات بيشمها او الاصتباحة بمعني اصح لما تمشي الحرس من الجامعة مين الي هيطير الاصتباحة بس انا الصراحة بديقق منهم في حاجة انهم بيمشونا من الجامعة ويعدو يصفرو

لو علشان كده يبقى لازم يكون فى حرس بس على فكره ف جامعة حلوان مفيش الكلام ده خالص والحرس هناك بيعملوا اللى المفروض يتعمل يعنى ابسط حاجه بالنسبه للى بنشوفه عندنا طبعا لو ولد وبنت ماسكين ايد بعض بيوقفوهم ويكلموهم على اساس انه ده غلط وبيحرجوهم طبعا اما عندنا ف عندهم مهام تانيه . وبالنسبه للوقفه ادى الامتحانات خلصت مع نفسك بقى اعمل اللى ربنا يقدرك عليه ومحدش هيسمعلك طبعا.

انا مش عارف ليه حاسس انك مديقه ومعصبة نفسك موووووت

هدي شووووووووووووووووووية

هو شكل كده في حاجه حصلت ادامك ومديقه صح ؟؟؟؟؟؟؟

الظاهر انه الامتحانات لسه مآثره عليا ان شاء الله هحاول اهدى بس شويه لما انسى الامتحانات

:h87_(: :h87_(: :h87_(: :h87_(:

لزم نعمل واقفة يا ادم الواحد دلوقتى مبقاش عارف داخل جامعة ولا داخل كباريه بس دا كباريه فترة صباحية والمشكلة يا ادم لما تيجى تبص لناس ديه تلقى الولد بيزيد عشان يوريك انه ولد فت جدع ههههههههههههههههههههههههههه

ربنا يهدي يا ابو فرعون يا نجم

بس تعرف انا نفسي كل البنات تلبس نقاب ونبقي زي المملكة السعودية اووووووووووة هتبقا جميل جدااااا
ولا ايه رايكم

يا سلام يعنى هو ده الحل طيب انا مره شفت بنت من البنات اللى احنا بينتكلم عليهم كانت لابسه اسدال وعادى وممكن بنت مش محجبه اصلا ما تعملش كده الموضوع ده ما لهوش علاقه با للبس وافتكر بعد الحاجات اللى بقت بتحصل ف مصر تحت النقاب احنا اول حد يرفضه

ادم الموضوع مش موضوع لبس الموضوع اخلاقى وموضوع اللبس ده من اسرة البنت لزم يكون فى متابعة البنت لو لبست بنطلون ضيق المفروض ولدتها او اخوكها يكلمها اول مرة مسمعتش الكلام يروح الاب مولع فى اللبس اللى عندها كله عاوز تلبس بنطلون يكون واسع عادى يعنى