من احمد فؤاد نجم لحسني مبارك

سيدي الرئيس

في عيد ميلادك الكام وسبعين

كل سنة وأنت طيب

واحنا مش طيبين

كل سنة وأنت حاكم

واحنا محكومين

واحنا مظلومين

واحنا متهانين

ويا ترى يا حبيب الملايين

فاكرنا ولا احنا خلاص منسيين

فاكر المعتقلين

فاكر الجعانين

فاكر المشردين

فاكر اللي ماتو محروقين

فاكر الغرقانين

الله يكون في عونك - هاتفتكر مين وللا مين

في عيد ميلادك الكام وسبعين

بقول لك كلمتين

الأوله

شيلتنا طين

وهل تعلم أن النيل بقى رشاح

والجو أصبح بيئة والعيشة ولعة

والشرفا قلوبهم عالبلد والعة

وانت عاملهم مذبحة ولا بتاعة القلعة

والاقتصاد سداح

والسرقة بقت كفاح

ومصر متاحة بس للسياح

وعرض البلد بقى مستباح

والتانية

ورتنا الويل

دا الخطوة في عهدك بقت ميل

والضحك بقى نواح وعويل

والكوسة

عارف الكوسة

ممكن أقولك فيها موواويل

والجامعة بقت يا إما كباريه أو دار مسنين

والشباب معظمهم من غير خمرة سكرانين

والعلم عز على المتعلمين

والأساتذة بقم دجالين

والقادة بقم طبالين

واديني في الهايف يا حبيب الملايين

والتالتة

عارف اليابانيين

زمان في سنة اتنين وخمسين

كان عندنا تروماي وكان عندنا علم ومتعلمين

وثقافة ومثقفين

وأدبا وعلما وفنانين

وكانو اليابانيين

بالنووي لسة مضروبين

وللصدقة مستحقين

دلوقتي إحنا فين وهما فين

هما فوق واحنا في أسفل سافلين

والرابعة

أمن البلد بقى تنين

والمحاكم اتملت مظالم

والعدالة بقت كمالة

وكلمة الحق في الزبالة

وأصحابها في الزنازين

والخامسة

القطاع العام…. عام

والفساد…. ساد

وفي جتة بلدنا بيرعى

أفتكر لجنابك إيه وللا إيه

وكل ذكرى ليك بدمعة

آآآآآآآآه آآآآآآآآه

أنا كنت حالف ميت يمين

أكملهم لك تمنية وسبعين

بس هاكفيهم ورق منين

وكل سنة وأنت

واحنا طيبين

انا بحب الرئيس وبحب مصر
لاكن نفسي احب الشعب المصري

لاكن للاسف هنفضل متخلفين لأمتا مش عااااااااااارفييييين

والله جااااااااااااااااااااااااااااااااااااااااااااااااااااااااااااامده جدا تسلم بجد يافرعون مصر وعايزين كمان

هية القصيدة جميلة جدا بس يا ادم مش كل حاجة غلط فى البلد دى تبقى الشعب هو الى عملها ممكن يكون الشعب بيعمل حجات كتير غلط لكن فى ناس تنية بتعمل اكتر مش من الشعب صح ولا خلط

انا بجد بحب الراجل ده جدا وبرغم كل اللى حصله بيقول اللى هو عاوزه وتحس انه بيتكلم بلسان كل الناس المظلومين وحرام عليك يا ادم احنا مش عارفين نعمل معاك اييه طيب نسيب البلد ونمشى بما انه الناس هى اللى غلطانة انا ابتديت اشك فيك شكلك طلعت مسئول مهم ف الدولة بتتكلم زييهم بالظبط

انا طالب في جامعة القاهرة
انا حزب وطني
انا بكرة الاخوان المسلمين وبتمني حرقهم مثل محرقه اليهود
واعوذ بالله من كلمه انا

والله يا ادم احتر ت معاك في الجامعة حرق دمي وفي المنتدي كمان حرام عليك نفسي بجد نفسي اشوفك لما تخلص هتشتغل اية بنفس الكلية الي متخرج منها والا اية.انا بشوف شباب كتير كانو في حقوق وفي تجارة وبيمسح السلم ودة فعلا عندنا هوة دة عمل اية عشان يبقا كدة اهوة اتخرج محترم من كلية محترمة وشوف حالة دلوقتي بمجرد انو بياخد فلوس اكتر بقا كدة .انتا لو خلصت دلوقتي اول حاجة تعملها تدرب سنتين علي الاقل تحت محامي ويترا هتبقا محامي والا هتفضل تحت علي طول . دة مجرد بس فكرت تشتغل في المحامة انتا دلوقتي هتتخرج عندك 23 سنة وسنتين تدريب 25 سنة ياسلام بقا لو فكرت تتجوز ادمك 3 سنين تاني عشان تكون نفسك بقا عندك 28 سنة حتحس انك كبيرت واحتمال تتعقد وماتجوز
ودة اخرت حقوق

ههههههههههههههههههههههههههههههههههه
ايه يا سندس انتى غمقتى الدنيا فى وش ادم ليه
دا حتى ادم حبيب الكل

هههههههههههه انا بهزر معا ادم دة طموح وعارف ورسم مستقبلة دة من الشخصيات المحترمة علي فكرة دة زميل في الجامعة كمان ومش هسيبة الا لما يغير فكرتة اصل يا فرعون بجد تعبت من الكلام دة والي مديقني انو بيحب ناس غريبة محدش بيطقها علي الرغم ان الراجل دة بيبقا عامل اخطاء كبيرة وادم بيحمل الاخطاء دة علي ناس مش هقول مش غلطنين لا بس لو الكبير وحش يبقا الصغيرين وحشين وبعدين عوزنا نحبة بقمارت اية؟ .والي ضحكني اوي اوي يعني لما عرفت انو عوزنا نتقدم ازي وحنا علي طول ادم طبور العيش وفي السجل المدني طبعا عرفين المنظر هناك
حاجات مش محتاجة كلام .kkkk:
علي فكرة عارفة انك نفس راية بس ماعلينا هخليها علي نفسي المرادي لكن المرة الي جية

اة نسيت اقول ان القصيدة بجد تحفة جججججامدة وشكرا ليك يا فرعون مصر
عاوزة تاني من الحاجات دة ها ونغيظ ادم